Хэжэнгын дасанай лама Содном габжа тухай
Содном габжа хадаа Хэжэнгэ нютагай Хуурай гэжэ газарта hууhан Балын Морхой (гоё нэрэнь Барда) гэhэн баян, шадалтай айлай гурбан хубуудэйнь эгээ ехэ хубуун байhан байгаа.
Бала Морхой (Барда)
Содном-Доржо (Содном габжа) (1850-1860 оной)
Жана (1860-1865 оной)
Бальжинима
Борис Валера Баир Чимит (Бальжинимаев Чимит Валерьевич) Володя Аюр Доржо (Бадмаев Доржо Бальжинимаевич) Саша
Дарижаб (1870 оной)
Дашапунсэг Даша (Дарижапов Даша Дашипунсыкович) Булад Николай Намжил Данзан
Энэ угай бэшэг эрэшуулэй талаhаа табигдаба. 1930-аад оной хамалган соо Хэжэнгын дасанай ламанарые этапаар туун абаашахадаа, Содном габжын ехэ ундэр наhатай, наяадтай болонхой, ябажа шадахагуй байхадань, Хэжэнгын дасанда жаахан гэр соонь орхиhон байгаа. Турэлхидынь, нютагаархиниинь нюусаар ошожо эдихэ юумэ абаашадаг байгаа. Тиин унишье болонгуй тэндээ мордоходонь Дарижаб дуунь нюусаар ошожо, худоолэжэ ерэhэн байгаа. Тэрэ сагта Дарижаб дуунь Чисаана нютагай Толгой гэжэ газарта байhан. Габжын обоодой малгайень, хурдыень абажа ерэhэн, тэрэнииень ухи хуугэдынь бурхандаа тахин абажа ябадаг. Минии хугшэн эжы Дарижабай Дулма, залуудаа абга ламадаа Хуурайhаа хазар морёор гуйлгэжэ ерэдэг hэнби, олон хубарагуудтай байдаг hэн, одоол лама сахилаа наринаар абажа ябаhан, сэб сэхэ, «хамараа хараhан» лама hуугша hэн гэжэ хоорэдэг hэн. Энэ фотографи бурхан соомнай тахяатай байдаг, теэд сохом Содном габжын гу гэжэ хэлэжэ шадахагуй байнам. Мэдэхэ зомнай хуу наhа баранхай. Теэд багадамни абга ламамнай гээшэ гэдэг hэн гу гэжэ буур-туур hананам. Тэрэ сагта хамаг юумэн хуу хорюултай, нюуса байгаа губ даа, улуу юумэ ухи хуугэдтээ хэлэхэеэ айдаг байhан. Хэжэнгын дасан эжытэеэ ошоод ябахадамнай, Бурхиев, Соржиев дедушка хоёр бэе бэеэ харан энэ багша ламымнай ури hадаhад ха юм даа гэлсэн байгаа hэн. Сохом Соржиев дедушка хубарагынь ябаhан гэжэ ойлгоо hэм.
Муноо иигэжэ Хэжэнгынгээ дасанай ламанарай нэрэнуудые дахинаа hэргээн, ном гаргажа, дурасхаал болгожо байhандатнай ехэ баярые хурьгэн, ехэ дэмжэн, энэ ажалдатнай бухы hайниие хусэнэбди.
Дарижабай Дулмын зээ басаган Дунмэрма Раднаевна Дашиева